خلينا نتعرف

حكايتـي بسيطة جدًا، بدأت بصاحبتين… واحدة من نيويورك والتانية من القاهرة. قاعدين في نص الليل، نغني أغانينا المصرية اللذيذة، ونفتكر جمل من أفلام شفناها مع بعض وحفظناها، وسألنا نفسنا: ليه مفيش تيشيرت بنلبسه بيحسسنا إنه شبهنا؟!

يعني ليه كل حاجة يا إما تقليد… يا إما مش بتفهمنا؟ قلنا خلاص… نعملها إحنا!
نصمم تيشيرتات تقول اللي جوانا: مرة تهزر، ومرة تفكر، ومرة تلمس القلب.

بنكتب بالعامية وبالإنجليزي، بس دايمًا بصوتنا إحنا.
كل تصميم وراه حكاية - يمكن عبارة جداتنا كانوا بيقولوها، أو جملة من تيك توك لسه بتضحكنا، أو تعبير شبهنا قوي. طبعنا ده كله على قطن مصري ناعم كأنك لابسة راحة ودفا.

تصميماتنا لكل حد بيحب يلبس اللي بيشبهه،
وبيحب يحكي حكايته… من غير ما يقول ولا كلمة.

إحنا بنصمّم، وبنحلم، وبنعشق ثقافتنا، وشايفين إن لغتنا كلها جمال، وإن هويتنا تستاهل تتلبس… بكل فخر وخفة دم، وأكيد بالراحة والنعومة اللي قطننا المصري معروف بيه في كل العالم.

أهلًا بيكي في حكايتـي - إحنا فاهمينك… ومتأكدين إن حكايتك تستاهل تتحكي، وتستاهل كمان تلبسيها، وإنها ح تكون عليكي زي العسل!

​